کاتژمێر (11) پێش نیوەڕۆى ئەمڕۆ بەڕێز (محمد رەئووف محمد) پێشوازى کرد لە شاندێکى کونسوڵخانەى کۆمارى ئیسلامى ئێران کە پێکهاتبوون لە بەڕێزان (ئاغاى فرزندە) و (ئاغاى حبیب الله موتەهیرى).
  دوا بەخێرهاتنیان لەلایەن وەزیرى بازرگانیەوە هەردوو لا باسیان لە پەیوەندیە بازرگانیەکانى نێوان هەرێمى کوردستان و کۆمارى ئیسلامى ئێران کرد، هەروەها باسیان لە کاراکردنى ئەو ڕێککەوتننامە بازرگانیانە کرد کە لە نێوان هەردوولا مۆرکرابوو، پاشان شاندى میوان داوەتنامەیەکى فەرمى لایەنى کۆمارى ئیسلامى ئێرانیان دایە وەزیرى بازرگانى بە مەبەستى بەشدارى کردن لە پێشانگایەکى بازرگانى لە پارێزگاى ورمیە و داوایان کرد کە وەزیرى بازرگانى هاوڕێ لەگەڵ شاندێکى (50) کەسى بەشدارى لەو پێشانگایە بکەن...

بە مەبەستى تاوتوێکردنى چەند بابەتێکى تایبەت بە کاروبارى بازرگانى سەرلەبەیانى ئەمڕۆ بە سەرپەرشتى (محمد رەئووف محمد) وەزیرى بازرگانى حکومەتى هەرێمى کوردستان  و بە ئامادەبوونى ژمارەیەک لە بەڕێوەبەرە گشتییەکانى وەزارەت و سەرۆکى هەرسێ ژوورى بازرگانى هەولێر و سلێمانى و دهۆک کۆبوونەوەیەکى هاوبەش لە نێوان وەزارەتى بازرگانى و ژوورە بازرگانیەکانى هەرێم ئەنجامدرا. وەزیرى بازرگانى دواى بەخێرهاتنى ئامادەبووان بڕگە و بابەتەکانى کۆبوونەوەکەى بۆ ئامادەبووان خستەڕوو، لە سەرەتادا گفتوگۆکرا لە بارەى کێشەکانى هەناردە و هاوردە لەنێوان هەرێمى کوردستان و وڵاتانى دەرەوەو ئەو پێداویستى و مەرجانە باسیان لێوەکرا کە پێویستە هەر بازرگانێک جێبەجێى بکات تا مۆڵەتى و هەناردەکردن و هاوردەکردنى کەلوپەلى پێ بدرێت، دواتر باس لە کێشەى ڕێکخستنەوە و پۆڵن کردنى کۆمپانیا بازرگانیەکان کراو لەو بارەیەوە هەردوولا هــاوڕابوون لــــەسەرەئەوەى کــە بـــازاڕى کـــوردســتان جــۆرێــک لـە ئالۆزى تێدایە لە ڕوى کـــارکردنى کۆمپانیاکان...

بەڕێز (محمد رەئوف محمد) وەزیرى بازرگانى بە یاوەرى بەڕێوەبەرى پەیوەندیەکانى وەزارەت لەگەڵ شاندى بازرگانى ئەمریکى کۆبوونەوەیەکیان ئەنجامدا کە پێک هاتبوو لە بەڕێزان (جۆن سۆلیڤان) بریکارى وەزیرى بازرگانى ئەمریکى و (باڵوێز ڕێز) نوێنەرى وەزارەتى دەرەوەى ئەمریکى و ( باڵوێز جێز بێڵى) نوێنەرى باڵوێزخانەى ئەمریکى لە کوردستان و (سۆزان هامرۆگ)  لە ئەنیستیتۆى لێکۆڵینەوەى ستراتیژى.
لە کۆبوونەوەکەدا وەزیرى بازرگانى هاتنى ئەو شاندە حکومى و بازرگانیەى بەرز نرخاند بۆ لە نزیکەوە ئاشنا بوون بەڕەوشى سەقامگیرى کوردستان، هاوکات وەزیرى بازرگانى ئەوەى خستە ڕوو کە کوردستان زەمینەیەکى لەبارە بۆ وەگەڕخستنى سەرمایە و دەرگایەکى واڵایە بۆ جووڵەى بازرگانى...

سەرلەبەیانى ئەمڕۆ بەڕێز  (محمد رەئووف محمد)  وەزیرى بازرگانى لە دیوانى وەزارەت پێشوازى کرد لە بەڕێز (د. ێلاح خدر) بەرپرسى قونسڵگەرى هۆڵەندا لە هەولێر، لە دیدارەکەدا باس لە پڕۆژەکانى بوارى بازرگانى و کردنەوەى قونسڵگەرى هۆڵەندى بە شێوەیەکى فەرمى لە هەولێر و هەنگاونان بۆ پەرەپێدانى پەیوەندیە بازرگانیەکانى نێوان هۆڵەنداو هەرێمى کوردستان کرا، وەزیرى بازرگانى ئاماژەى بەوەدا کە وەک وەزارەتى بازرگانى چەندین پرۆژەمان هەیە کە دەکرێت لەلایەن وڵاتە بەخشێنەرەکانەوە پشتیوانى لێ بکرێت کە هۆڵەنداش یەکێکە لەو دەوڵەتانە.

بەناوى خواى گەورە و میهرەبان
بەڕێزان / سەرۆکى شارەوانى دیاربەکر .. بەڕێز پارێزگارى دیاربەکر ..
ئامادەبووانى خۆشەویست

  خۆشحاڵم ئەمڕۆ لەم پێشانگایەدا دەسکەوتى گرنگ و پەرەسەندنى پەیوەندى بازرگانى نێوان هەرێمى کوردستان و وڵاتى تورکیا بە سەرکەوتوویى دەبینم کە جێگاى ئومێدە بۆ هەنگاوەکانى داهاتوومان تا بتوانین زیاتر و باشتر پەیوەندیەکانمان پەرەپێ بدەین.
بەڕێزان .. ئامادەبووانى خۆشەویست..
لێرەدا بە پێویستى دەزانم تیشک بخەمە سەر ئێستاى هەرێمى کوردستان لە رووى بوژانەوەى ئابوورى و دەرفەرتى وەبەرهێنان بەتایبەتى لە دواى 9/4/2003 ەوە  کە لە عێراق بە گشت و لە کوردستانیش بەتایبەتى سیاسەتى ئابوورى بازارى پیادە دەکرێت. ئاشکرایە کە ئەو سیاسەتە گۆڕانێکى رادیکاڵیانەیە لە سیاسەتى ئابوورى عێراقدا کە پێشتر سیاسەتى ئابوورى ئیشتراکى کارپێکراوبوو. ئەم گۆڕانە لەگەڵ خۆیدا چەندین رەهەندى ئەکتیف کردووە و گوڕو تینى داوەتە جوڵەى بازرگانى. ئێستا لە کوردستان داهاتى ساڵانەى تاک لە نێوان (2500) دۆلار تا (4000) دۆلارە ئەمەش وایکردووە لە زۆربەى کاتەکاندا بازارى کوردستان پڕ جوڵەبێ

لە درێژەى کارەکانى بەڕێوەبەرایەتى چاودێرى بازرگانى دا توانرا چەندین خۆراکى ماوە بەسەرچوو دەست بەسەردا بگرن، کە بریتى بوون لە (700) سێتى دۆى تورکى (78) کارتۆن قیمە و جگەر (28) کارتۆن شامپۆ و (49) شوشە تورشى هەروەها دەیان کارتۆن لە بیبسى و شەربەت و کێک و ڤانێلا و گۆشتى قوتو و پاککەرەوە و ماجى و نسکافە و چەندین جۆرى ترى خۆراک و کەلوپەل...

بە ئامادەبوونى (محمد رەئوف محمد) وەزیرى بازرگانى هەرێمى کوردستان و (د. لۆرینزۆ) جێگرى سەرۆکى هەرێمى لۆمباردیاى ئیتاڵى یاداشتنامەى لێک حاڵى بوونى نێوان هەرێمى کوردستان و هەرێمى لۆمباردیاى ئیتاڵى بەڕێوەچوو.
لە گوتەیەکدا (د. لۆرینزۆ) رایگەیاند: (هەرێمى لۆمباردیا دەوڵەمەندترین هەرێمى وڵاتى ئیتاڵیایە کە لە رووى پیشەسازىو کشتوکاڵییەوە پێشکەوتنى گەورەى بەدەست هێناوە،

سەرلەبەیانى ئەمڕۆ بەڕێز (محمد رەئوف محمد) وەزیرى بازرگانى پێشوازى کرد لە شاندێکى کۆمپانیاى (مارسیدس) ى ئەلمَانى.
لە دیدارێکدا وەزیرى بازرگانى وێراى تیشک خستنە سەر بارودۆخى هەرێمى کوردستان لە رووى بازرگانیەوە دەستخۆشى کرد لە کۆمپانیاى (مارسیدس) کە لە کوردستاندا بریکارى تایبەتیان دامەزراندووە بۆ ساغ کردنەوەى بەرهەمەکانى ئەو کۆمپانیا جیهانیە...

پێش نیوەڕۆى ئەمڕۆ لە دیوانى وەزارەت بەڕێز (محمد رەئوف محمد) وەزیرى بازرگانى پێشوازى کرد لە شاندێکى بازرگانى ئەمریکى لە بوارى پیشەسازى ئاسن کە پێکهاتبوو لە بەڕێزان (جۆن مۆر) لە کۆمپانیاى میتال و (پیتر دیڤیدسون) لە کۆمپانیاى (برزن سولیشن) و (لۆن گارى) لە کۆمپانیاى (یونی فیرساڵ)...

بەرێز (عزیز ابراهیم عبدۆ) بەڕێوەبەرى گشتى بازرگانى بە ئامادەبوونى بەڕێز (فتحى محمد على) جێگرى بەڕێوەبەرى گشتى بازرگانى پێشوازى کرد لە نوێنەرى بازرگانى باڵویزخانەى فەرەنسا لە بەغدا کە هاوڕێ لەگەڵ سێ کۆمپانیاى فەرەنسا لە بوارەکانى کشتوکاڵ و پیشەسازى کشتوکاڵ  سەردانى بەڕێوەبەرایەتى گشتى بازرگانى هەرێمیان کرد.